Contents Page
1. Introduction & History
1.1. Introduction
1.2. Sports Medicine
1.3. History of Sports Medicine
1.3.1. 1.3.1. Zaniswalle
1.3.2. 1.3.2. Merriam-Webster
1.3.3. 1.3.3. Herodicus
1.3.4. 1.3.4. Ancient Greeks
1.3.5. 1.3.5. Hippocrates
1.3.6. 1.3.6. Claudius Galen
1.3.7. 1.3.7. A.V. Hill
1.3.8. 1.3.8. Dr. J.C Kennedy
Introduction & History
1.1. Introduction
Sports puri Dunya mein har insan ki zindagi ka hissa (part) ban chuki hy. Is liye ye mumkin nhi k sports mein hissa leny sy insan kisi na kisi injury ka shikar na ho. Yaqeenan aye rooz player ko different injuries ka samna krna parta hy. Aur phir in k ilaaj k liye different ways py focus kia jata hy. Koi khud hi thora boht warzish (exercise) kr k ya aram kr k kuch din game stop kr k apny ap ko fit kr leta hy to kisi ko medicine ka istamal (use) krna prta hy.
Pehly time mein bhi during sports aany wali injuries ka ilaaj kia jata tha. Jis k different ways aur hikmat amliyaan hoti thyn aur players sehat-yaab (cure) hoty thy. Aj bhi inhi tareekon sy milty julty tareekay ikhtiyar kiye jaaty hain. Lekin aj hum ny in tareekon ko sports medicine ka naam dy dia hy. Jin k zariye hum kisi game ka ilaaj krty hain kyun k wo during game injured howa tha ya during game usy injury hoi the. Is liye is k ilaaj (cure) k tareeqay ko sports medicine ka naam dia jaata hy.
Is saari behas (talk) k baad sports medicine ki tareef yun ki ja skti hy:
1.2. Sports Medicine
ü “ Games mein hony wali injuries k ilaaj k tareeqa-kaar ko sports medicine kehty hain”
ü “ Medicine ki wo branch jis mein sports sy related injuries ka ilaaj kia jaye sports medicine kehlati hy”
Kuch saal pehly “TIME” magazine mein Arthopaedic Associates of Zaneswalle physicians aur Merriam Webster encyclopedia mein sports medicine ki tareef yun ki gye hy:
“A field of medicine concerned with the prevention and treatment of injuries and disorders that are related to participation in sports”
1.3. History of Sports Medicine
Kuch saal pehly sports medicine ki history k baray mein aik article likha gia jis mein different experts ny sports medicine k related apny apny views ka izhar kia jis ki tafseel (detail) mundarja zail hy.
1.3.1. Zaneswalle
Is ka ta’luq Orthopaedic sy tha is ny during sports hony wali injuries jin ka link bones sy hy un k baray mein peshan-goi (prediction) ki aur phir un k ilaaj k liye medicine bhi discover kin.
1.3.2. Merriam-Webster
Is mein Sports Medicine ki defination kuch is andaaz sy ki gai
“ A field of medicine concerned with the prevention and treatment of injuries and disorders that are related to participation in sports”
Sports medicine ki term aj sy 54 years ago 1961 mein first time use ki gye. Specialist medicine physicians jo k sports medicine mein specialist thy unho ny mostly focus fitness level aur achi health pr dia. Un ka kehna tha k aik huge population ko agr healthy bnana hy to is k liye diet aur exercise ko apnaya jye. Ye wo important rules hain jin mein health k raaz posheda hain.
1.3.3. Herodicus
Herodicus jo k athletic medicine ka doctor jana jata tha us ny bhi sports medicine pr bohat kaam kia. Ye aik Greek (Yonani) doctor tha.
1.3.4. Ancient Greeks
Jesa k history sy pta chlta hy k ahle-yonan (Greek) player ko boht zyada ihmiyat (importance) dety thy. Aur wo un ko society mein boht izat bhi dety thy. Un k honor (a’zaz) mein jaloos nikalty, un k mujasmay (Statues) bna kr shehron (Cities) k chokon (crossing) mein lgaty aur unhy inam (prize) bhi diye jaaty.
1.3.5. Hippocrates
Hippocrates of Cos or Hippokrates of kos pericles k zamanay k aik qadeeem yonani (Greek) doctor thy, aur medicine ki history ki sb sy namayan (apparent) personalities mein sy aik samjhy jaaty thy.
Ye bhi aik yonani (Greek) philosopher aur mufaqar (Thinker) tha jis ny injuries k ilaaj k liye aik arsa (duration) tak kaam kia aur different sports mein players ko sports mein lgny wali injuries ka ilaaj (cure) bhi kia krta tha. Is ny human body ki types pr bhi kaam kia. Aur human body ki two basic types btayen.
1.3.6. Claudius Galen
Aelius Galeenus or Claudius Galen, better known as Galen of Permgamom, was a prominent Roman physician, surgeon and philosopher.
Ye Gladiators ka sb sy pehla tabeeb (doctor) tha. Is ny bhi during sports hony wali injuries pr boht research ki aur un k ilaaj (cure) discover kiye. Lekin bad-qesmati (unfortunately) sy kuch saalon baad us ny is pr kaam krna chor dia. Jis ki waja sy us k wo important nuskhay (prescriptions) bhi gaib (loss) ho gye jo us ny discover kiye thy.
1.3.7. A.V. Hill
A. V. Hill, christened Archibald Vivian, CH OBE FRS, was an English physiologist, one of the founders of the diverse disciplines of biophysics and operations research.
20 century k start mein A.V. Hill pehla doctor tha jis ny sports medicine mein 1922 mein pehla “ Nobel Priza of Physiology” jeeta jo inam (award) isy “Production of heat in the muscles” pr kaam krny ki wja sy dia gia. Is ny discover kia k heat body mein kyun generate hoti hy aur is ka body mein kya kaam hy.
1.3.8. Dr J.C Kennedy
Dr J.C Kennedy jo k “Canadian Academy of Sports Medicine ka bani (Founder) tha us ny players ki hifazat-o-ilaaj k liye 1968 mein Summer Olympics mein jaany waly players k sath doctors ki aik team ko bhi bheja jis ki waja sy us ko bohat shohrat (fame) mili. Kyun k Olympics games mein is trh pehli dfa howa k jab players k sath doctors bhi bhejy gye.
0 Comments